Կորսված վստահություն. Ի՞նչ թաքցրեցին Պուտինի և Ալիևի ժպիտները Դուշանբեում

Այս տարվա հուլիսից ռուս-ադրբեջանական հարաբերություններում լարվածության նոր ալիք բարձրացավ, երբ ռուսաստանցի իրավապահները մի քանի քաղաքում շուրջկալներ իրականացրին մեծածախ առեւտրի ձեռներեցության անվան տակ հանդես եկող ադրբեջանական մաֆիայի պարագլուխների ու նրանց մերձավորների նկատմամբ։ Ձերբակալվեց հինգ տասնյակ ադրբեջանցի, նրանցից երկուսը ձերբակալման պահին կամ դրանից անմիջապես հետո կասկածելի հանգամանքներում մահացան, ինչը ցասման առիթ տվեց Ադրբեջանում բոլոր մակարդակներով։ Բաքվում ձերբակալեցին ռուս լրագրողների, ապա նաև զբոսաշրջիկների և թմրավաճառության մեղադրանք առաջադրեցին։ Բաքվի նախորդ ցասման առիթը 2024-ի դեկտեմբերին ադրբեջանական ինքնաթիռի կործանումն էր, ռուսական դրոնի բեկորի առերևույթ հարվածից։