Կիևի հրթիռակոծության հետևանքով վնասվել է Ադրբեջանի դեսպանատան շենքը

Օգոստոսի 28-ին, ժամը 03:00-ի սահմաններում, Ուկրաինայի մայրաքաղաք Կիևը ենթարկվել է հրթիռային և անօդաչու թռչող սարքերի հարձակման։ Արդյունքում վնասվել է Ուկրաինայում Ադրբեջանի դեսպանատան շենքը։

Ադրբեջանի ԱԳՆ մամուլի քարտուղար Այհան Հաջիզադեն APA-ին հայտնել է, որ հրթիռներից մեկի պայթյունի հետևանքով կոտրվել են որոշ պատուհաններ, իսկ հյուպատոսական բաժնի շենքի տանիքի վրա առաջացել են ճաքեր։

«Դեսպանատան աշխատակիցների շրջանում զոհեր չկան։ Մեր դեսպանատունը շարունակում է իր գործունեությունը»,– ընդգծել է Հաջիզադեն։