Կիրակի պատարագ, երկուշաբթի՝ ասուլիս ու բացահայտումներ

Վեջին մեկուկես ամսում վարչապետը ամեն շաբաթ տեսանյութով հայտարարում է, թե որ եկեղեցում է մասնակցելու կիրակնօրյա պատարագին։ Սա առաջին անգամ է, որ ոչ թե մարզերի, այլ Երևանի եկեղեցիներից մեկում է գնում պատարագի։ Այս անգամ Սուրբ Սարգիս էր գնացել նաև «Մեր ձևով» շարժման համակարգող Նարեկ Կարապետյանը։ Ավելի վաղ նա հայտնել էր, որ արդեն 15 տարի այդ եկեղեցում է պատարագի մասնակցում և Փաշինյանի պատճառով արարողությունը բաց չի թողնելու։ Ի դեպ հենց այստեղ է Արարատյան թեմի առաջնորդ Նավասարդ Կճոյանի նստավայրը։ Նա և 7 այլ բարձրաստիճան հոգևորականներ նախորդ շաբաթ գնացել էին Փաշինյանի հետ հանդիպման։