Հակակոռուպցիոն կոմիտեն խուզարկել է Թալինի սոցիալական ծառայությունը

Հակակոռուպցիոն կոմիտեի աշխատակիցները խուզարկություններ են իրականացրել Միասնական սոցիալական ծառայության Թալինի տարածքային կենտրոնում. կան ձերբակալվածներ

Հակակոռուպցիոն կոմիտեն ReOpen.Media-ի հետ զրույցում հաստատեց ձերբակալությունների մասին լուրը։

«Հաստատում ենք, որ կաշառք ստանալու, տալու դեպքերի առթիվ Կոմիտեում քննվող քրեական վարույթի շրջանակում ձերբակալվել են մի շարք անձինք, այդ թվում՝ ՀՀ աշխատանքի և սոցիալական հարցերի նախարարության Միասնական սոցիալական ծառայության Թալինի տարածքային կենտրոնի պաշտոնատար անձ»,- հայտնեցին Հակակոռուպցիոն կոմիտեից: