Խոսրովի անտառում հրդեհ է բռնկվել

Հրդեհ է բռնկվել «Խոսրովի անտառ» պետական արգելոցում: ՆԳՆ Փրկարար ծառայությունից հաստատում են և տեղեկացնում, որ իրականացնում է հրդեհաշիջման աշխատանքներ:

«Հուլիսի 26-ին, ժամը 14։20-ին «Խոսրովի անտառ» պետական արգելոցում հերթապահություն իրականացնող օպերատիվ խումբը թիվ 1 պահաբաժնում նկատել է խոտածածկույթի հրդեհ։

Դեպքի վայր են մեկնել ՆԳՆ փրկարար ծառայության ստորաբաժանումներից 3 մարտական հաշվարկ և 7 օպերատիվ խումբ։

Ընդհանուր առմամբ ներգրավված են 41 փրկարարական ծառայող։ Ըստ նախնական տվյալների՝ այրվում է մոտ 1 հա խոտածածկույթ»,- հայտնում են ՆԳՆ-ից՝ խոստանալով տրամադրել լրացուցիչ տեղեկություններ: