Խոսրովի արգելոցում հրդեհը մեկուսացվել է․ կիրառվել է ՊՆ ուղղաթիռ

Խոսրովի արգելոցում բռնկված հրդեհը մեկուսացվել է, հրդեհաշիջման աշխատանքները շարունակվում են: Այդ մասին հայտնում է Ներքին գործերի նախարարության խոսնակ Նարեկ Սարգսյանը։

«Մարման աշխատանքին ներգրավված են ՆԳՆ Փրկարար ծառայության և Ոստիկանության մեծաթիվ ուժեր, Խոսրովի անտառ պետական արգելոց ՊՈԱԿ-ի, Էկոպարեկային ծառայության, գործընկեր կառույցների աշխատակիցներ, բնակիչներ: Հրդեհաշիջմանը ներգրավվել է նաև ՊՆ ուղղաթիռ»,- գրել է Սարգսյանը: