Նուբարաշենի աղբավայրում խոշոր հրդեհ է բռնկվել

Հոկտեմբերի 9-ին, ժամը 23։53-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նուբարաշենի կենցաղային աղբավայրում հրդեհ է բռնկվել։ Այս մասին հայտնում են ՆԳՆ-ից։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, տեղում աշխատում է 27 փրկարար։

Հսկայական ծխի սյունը երևում է մի քանի տասնյակ կիլոմետրից։ «Երևանի աղբահանություն և սանիտարական մաքրում» համայնքային հիմնարկ»–ի գրեթե բոլոր ջրցան մեքենաները աշխատել են, միացել են նաև հրշեջ–փրկարարները: Հրդեհի մեծ մասը մարված է, միայն տեսանելի ծուխն է մնացել։

Այս պահին հրդեհաշիջման աշխատանքները շարունակվում են։