Կարեն Խաչանովը դուրս եկավ Ուիմբլդոնի քառորդ եզրափակիչ

Աշխարհի 20-րդ ռակետ, ռուսաստանցի Կարեն Խաչանովը դուրս եկավ Ուիմբլդոնի մրցաշարի քառորդ եզրափակիչ։ Հայ թենիսիստը չորրորդ շրջանում 6:4, 6:2, 6:3 հաշվով պարտության մատնեց աշխարհի 109-րդ ռակետ, լեհ Կամիլ Մայխշակին։ Մրցախաղը տեւեց 1 ժամ եւ 46 րոպե։ Կարեն Խաչանովի հաջորդ մրցակիցը աշխարհի 5-րդ ռակետ, ամերիկացի Թեյլոր Ֆրիցն է։

Ուիմբլդոնի մրցաշարի մրցանակային հիմնադրամը 53,5 միլիոն ֆունտ ստերլինգ է։