Կառավարությունը փոխել է Սամվել Կարապետյանի գործով իրավաբաններին

Կառավարությունը որոշել է չհամագործակցել ամերիկյան Arnold & Porter փաստաբանական ընկերության հետ:

Երկու շաբաթ առաջ գործադիրը որոշել էր «Հայաստանի էլեկտրական ցանցերի» գործով կալանավորված միլիարդատեր Սամվել Կարապետյանի ու նրա ընտանիքի արբիտրաժային հայցից պաշտպանվելու համար այդ ընկերությանը 3.2 միլիոն դոլար վճարել:

Սեպտեմբերի 4-ին, դարձյալ առանց հանրային քննարկման, կառավարությունը որոշել է այս ընկերության հետ չաշխատել ու նույն գումարը փոխանցել մեկ այլ ընկերության՝ Foley Hoag LLP-ին:

Հիմնավորումն այն է, որ նոր հանգամանքներ են ի հայտ եկել, շահերի բախման խնդիր կա: