Կառավարությունը հարկերը բարձրացնելու ամբիցիա չունի. Ֆինանսների նախարար

ՀՀ ֆինանսների նախարար Վահե Հովհաննիսյանը մասնակցել է Համաշխարհային բանկի գրասենյակի՝ «Հայաստանի տնտեսական զարկերակը. ավելի արդար շուկաներ հանուն ներառական աճի» խորագրով զեկույցի ներկայացմանը:

Նոր զեկույցը նվիրված է Հայաստանի սոցիալ-տնտեսական զարգացումների մշտադիտարկմանը և տնտեսական քաղաքականության, ինչպես նաև հեռանկարների շուրջ իրազեկ երկխոսության խթանմանը։

Նախարար Հովհաննիսյանը բացման զրույցի շրջանակներում անդրադարձել է Կառավարության կողմից ձեռնարկված միջոցառումներին, որոնք միտված են միջնաժամկետ հեռանկարում տնտեսական աճի ներուժի բարձրացմանը, ինչպես նաև տնտեսության դիմակայունությունը շարունակաբար ամրապնդելու կարևորությանը: