Կիևի կառավարության շենքին հարված է հասցվել «Իսկանդեր-Կ» հրթիռով

Սեպտեմբերի 7-ին ռուսական ուժերը Ուկրաինայի կառավարության շենքին հարվածել են ոչ թե «Շահեդ»-ով, այլ «Իսկանդեր-Կ» թևավոր հրթիռով։ Այդ մասին հայտնում են ուկրաինական աղբյուրները։

Մնացորդների վերլուծությունը ցույց է տվել, որ սեպտեմբերի 7-ին Կաբմինի շենքին հարվածել է «Իսկանդեր» համալիրի 9Մ727 հրթիռը:

Նրա 450 կգ քաշով մարտական մասը չի պայթել, ուստի հետևանքները եղել են ավելի քիչ նշանակալի, քան կարող էին լինել: Վերին հարկերում հրդեհը առաջացրել է հրթիռի բաքերից վառելիքը, նշում են տեղական լրատվամիջոցները։