Կանզասի Ազգային գվարդիայի պատվիրակությունը՝ Ռազմական ակադեմիայում

ԱՄՆ Կանզաս նահանգի ազգային գվարդիայի հրամանատարի տեղակալ, ազգային գվարդիայի ցամաքային ուժերի հրամանատար, բրիգադի գեներալ Քարլին Ուիլյամսի ղեկավարած պատվիրակությունը օգոստոսի 20-ին այցելել է ՀՀ պաշտպանության նախարարության Վազգեն Սարգսյանի անվան ռազմական ակադեմիա։ Այս մասին հաղորդագրություն է տարածել ակադեմիան։

«Հյուրերը ծանոթացել են ակադեմիայի կառուցվածքին, ուսումնական ծրագրերին, ինչպես նաև ուսուցման ոլորտի արդի մոտեցումներին։ Հանդիպման ավարտին պատվիրակությունը շրջել է ռազմական ակադեմիայի տարածքում, այցելել նաև ակադեմիայի թանգարան»,-ասված է ակադեմիայի հաղորդագրության մեջ: