Կամչատկայում հրաբուխ է ժայթքում. ավիացիայի համար վտանգ կա

Կամչատկայում Կլյուչևսկայա Սոպկա հրաբխի ժայթքման պատճառով հայտարարվել է նարնջագույն ավիացիոն կոդ, սպառնալիք կա տեղական և միջազգային ավիափոխադրումների համար։

Կլյուչևսկայա Սոպկա հրաբուխը 8 կմ բարձրության հասնող մոխրի ամպ է արտանետել։ Սա օգոստոսի 4-ին արդեն երրորդ մոխրի արտանետումն է, հայտնում է «ՌԻԱ Նովոստի»-ն՝ հղում անելով ՌԳԱ Հեռավոր Արևելքի մասնաճյուղի Հրաբխագիտության և սեյսմոլոգիայի ինստիտուտին։

Մոխրի ամպը տարածվել է հրաբխից 110 կմ դեպի արևելք-հարավ-արևելք։ Հանքավայրի ակտիվությունը վտանգավոր է տեղական և միջազգային ավիափոխադրումների համար։

Մոխրի նախորդ արտանետումները հասել են 6,5 կմ և 7 կմ բարձրության։

Ավելի վաղ Կամչատկայի երկրամասի ԱԻՆ-ը հայտնել էր, որ ակտիվ են Կրաշենիննիկովա, Շիվելուչ, Բեզիմյաննի և Կարիմսկի հրաբուխները։

Հիշեցնենք, որ հուլիսի 30-ին Կամչատկայում տեղի է ունեցել 1952 թվականից ի վեր ամենահզոր երկրաշարժը։