Արամազդ Ղալամքարյանը նշանակվել է Ջրային կոմիտեի նախագահ

Արամազդ Ղալամքարյանը նշանակվել է Ջրային կոմիտեի նախագահ։ Այդ մասին որոշումը ստորագրել է վարչապետ Նիկոլ Փաշինյանը ։ «Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Արամազդ Ղալամքարյանին նշանակել ջրային կոմիտեի նախագահ»,- ասված է որոշման մեջ: Նա մասնագիտությամբ տնտեսագետ է, ՀԱԿ վարչության նախկին անդամ։

Ղալամքարյանը ավարտել է Երևանի պետական համալսարանի տնտեսագիտության ֆակուլտետը, պա Հայաստանի ամերիկյան համալսարանը։ Քաղաքագիտության մագիստրոս է:

Նախկինում աշխատել է ՄԱԿ-ի Զարգացման ծրագրում, Հայէկոնոմբանկում, «Վորլդ Վիժն Հայաստան» կազմակերպությունում, որպես մարքեթինգի պատասխանատու:

Հիշեցնենք, որ Ջրային կոմիտեի նախկին նախագահ Կարեն Սեդրակյանը պաշտոնից ազատվել է սեպտեմբերի 11-ին։ Նա այդ պաշտոնում նշանակվել էր 2025-ի մայիսին․ աշխատել է ընդամենը 4 ամիս։