Մալիում ջիհադականները մահապատժի են ենթարկել TikTok-ի հայտնի բլոգերին

Մալիի հյուսիսում զինյալները առևանգել և հրապարակայնորեն մահապատժի են ենթարկել TikTok-ում հայտնի կին բլոգերի։ Այս մասին, հղում անելով աղջկա հարազատներին և տեղի իշխանություններին, հայտնում է South China Morning Post (SCMP) պարբերականը։

Ենթադրվում է, որ դաժան սպանության հետևում կանգնած են ջիհադական խմբավորումները։ Աղջիկն իր բլոգում, որն ուներ շուրջ 90,000 հետևորդ, հաճախ էր տեսանյութեր հրապարակում իր հայրենի Թոնկա քաղաքի մասին։ Առևանգողները «նրան մեղադրել են բանակի հետ համագործակցելու մեջ»։

Ըստ սպանվածի եղբոր՝ աղջկան մեղադրել են այն բանում, թե իբր նա Մալիի զինված ուժերին տեղեկություններ է փոխանցել զինյալների տեղաշարժի վերաբերյալ։

Բլոգերին հրապարակային գնդակահարել են Թոնկա քաղաքի հրապարակում։