Իսրայելը Թուրքիայից պահանջում է Սիլոամի արձանագրությունը

Իսրայելը տարիներ շարունակ փորձում է Թուրքիայից վերադարձնել Սիլոամի արձանագրությունը, որը պահվում է Ստամբուլի հնագիտական թանգարանում:

Այս արտեֆակտը, որը հայտնաբերվել է 1880 թվականին Երուսաղեմում և տեղափոխվել Օսմանյան կայսրության մայրաքաղաք, Իսրայելը համարում է ոչ թե հնագիտական գտածո, այլև «Երուսաղեմում հազարամյակների եբրայական արմատների ապացույց» և ժամանակակից պետության «պատմական օրինականության» տարր:

Առաջին պահանջը ներկայացվել է դեռևս 1998 թվականին Բենյամին Նեթանյահուի կողմից, որը նույնիսկ առաջարկել էր արտեֆակտը փոխանակել Իսրայելում գտնվող օսմանյան գտածոների հետ: Հետագայում նման խնդրանքներ կրկնվել են 2007, 2017 և 2022 թվականներին, սակայն Անկարան ամեն անգամ մերժել է դրանք:

Պատմաբան, Ազգային պաշտպանության համալսարանի ռեկտոր Էրդողան Աֆյոնջուն հիշեցրել է.

«Արձանագրությունը հայտնաբերվել է Երուսաղեմի թունելում և ուղարկվել Ստամբուլ 1882 թվականին, երբ քաղաքը դեռևս Օսմանյան կայսրության մաս էր կազմում:

«Մենք այն բերել ենք մայրաքաղաք՝ գողությունից պաշտպանելու համար: Այդ ժամանակ Իսրայել ընդհանրապես գոյություն չուներ»,- ընդգծել է պրոֆեսորը:

Այսօր Թուրքիան շարունակում է պահպանել արտեֆակտը որպես իր թանգարանային հավաքածուի մաս և մերժում է բոլոր պահանջները դրա փոխանցման վերաբերյալ: