Իսրայելական բանակը պատրաստվում է 60,000 պահեստազորայինի զորահավաքի

Իսրայելը սկսել է Գազա քաղաքի գրավման գործողությունը, բանակն արդեն հասել է անկլավի մայրաքաղաքի ծայրամասերին։

Իսրայելի պաշտպանության բանակի խոսնակ Էֆի Դեֆրինի խոսքով՝ զինվորականներն արդեն իսկ հաստատվել են քաղաքի ծայրամասերում։

Առաջիկա շաբաթներին նախատեսվում է մոտ 60,000 պահեստազորայինի զորահավաք, իսկ մինչև ամսվա վերջ կուղարկվի ևս 20,000 ծանուցում:

Հիշեցնենք, որ ավելի վաղ Իսրայելը հայտարարել էր Գազա քաղաքի գրավման իր ծրագրերի մասին՝ հորդորելով բնակիչներին հեռանալ ռազմական գործողությունների տարածքներից և տեղեկացնելով, որ տեղահանվածների համար -ժամանակավոր կեցության հնարավորություն կապահովի քաղաքի ավելի անվտանգ հատվածում։

ՄԱԿ-ի ներկայացուցիչները դատապարտել են Իսրայելի գործողությունները, բայց դա նրա ծրագրերը չի փոխել։