Իսրայելի խորհրդարանը բանաձև է ընդունել Արևմտյան ափի անեքսիայի վերաբերյալ

Իսրայելի Քնեսեթը քվեարկել է Հորդանան գետի արևմտյան ափի անեքսիայի օգտին: Բանաձևը, որում ասվում է, որ այդ տարածքները հանդիսանում են հրեական ժողովրդի պատմական, մշակութային և հոգևոր հայրենիքի անբաժանելի մաս, ընդունվել է Քնեսեթի 71 պատգամավորի ձայների մեծամասնությամբ:

Հորդանան գետի արևմտյան ափը Պաղեստինի երկու մասերից մեկն է (երկրորդ մասը՝ Գազայի հատված): Իսրայելը այդ տարածքները գրավել է 1967 թվականի Վեցօրյա պատերազմի արդյունքում: Ներկայումս Արևմտյան ափի տարածքի մոտ 30%-ը վերահսկվում է Պաղեստինյան ինքնավարության կողմից, իսկ 60%-ը՝ Իսրայելի: