Իսրայելը հարվածել է Եմենին. սպանվել է հութիների շտաբի պետը

Իսրայելը ավիահարվածներ է հասցրել Եմենի մայրաքաղաք Սանայում ապստամբ հութիների խմբավորման օբյեկտին:

Իսրայելական աղբյուրները լուրեր են տարածում, թե զոհվել է հութիների ռազմական շտաբի ղեկավարը, ծայրահեղական շարժման մի քանի առաջատար անդամներ:

Մինչև այդ Պաշտպանության բանակը հայտնել էր Իսրայելի ուղղությամբ ապստամբների արձակած անոդաչու թռչող սարքի խոցման մասին:

Թրամփի վարչակազմը հայտարարել էր հութիների հետ համաձայնության մասին՝ ավիահարվածները դադարեցնելու դիմաց նավերի վրա հարձակումներ չգործելու պայմանով: Սակայն ապստամբները հայտարարել են, որ համաձայնությունը չի ներառում Իսրայելի հետ կապված թիրախների վրա հարձակումների դադարեցումը: