«Իսկանդեր»-ը՝ արևմտյան բաղադրիչներով

Ուկրաինայի կառավարությանը հարվածած «Իսկանդեր» հրթիռը պարզվել է, որ համալրված է եղել ներմուծված մասերով: Ըստ պատժամիջոցների քաղաքականության հարցերով լիազոր ներկայացուցիչ Վլադիսլավ Վլասյուկի՝ հրթիռը պարունակել է մոտ 35 մաս՝ ամերիկյան արտադրության, ինչպես նաև մեկական ճապոնական, բրիտանական և շվեյցարական, հինգ բելառուսական և 57 ռուսական արտադրության մասեր: Հարձակման ընթացքում մարտագլխիկը չի գործել, այրվել է միայն վառելիքը:

«Սա հերթական ապացույցն է այն բանի, որ ռուսական ռազմարդյունաբերական համալիրը հենվում է մաքսանենգության և պատժամիջոցների շրջանցման վրա: Առանց արևմտյան բաղադրիչների՝ «բարձր ճշգրտության» հարվածները անհնարին կլինեին»,- հայտարարել է Կիևի ներկայացուցիչը: