Իրանը ծնկի չի գա ագրեսորի առջև․ Փեզեշքիանի ելույթը ՄԱԿ-ում

ՄԱԿ-ի Գլխավոր ասամբլեայի ամբիոնից ելույթ ունենալով՝ Իրանի նախագահ Մասուդ Փեզեշքիանը հանդես է եկել մի շարք ծրագրային հայտարարություններով՝ ներկայացնելով Թեհրանի դիրքորոշումները միջուկային ծրագրի, տարածաշրջանային անվտանգության և համաշխարհային հակամարտությունների վերաբերյալ։ Նա ընդգծել է, որ Իրանը երբեք չի ենթարկվի արտաքին ճնշումներին։

Այս համատեքստում նա անօրինական է որակել «Եվրաեռյակի» (Գերմանիա, Ֆրանսիա, Մեծ Բրիտանիա) որոշումը՝ վերականգնելու Իրանի դեմ միջազգային պատժամիջոցները։ Փեզեշքիանը հիշեցրել է, որ Իրանը երկար տարիներ հանդես է եկել զանգվածային ոչնչացման զենքից ազատ Մերձավոր Արևելք ստեղծելու օգտին։

Ինչ վերաբերում է ռուս-ուկրաինական պատերազմին, Փեզեշքիանը հույս է հայտնել, որ հակամարտությանը վերջ տալու ջանքերը կարող են հանգեցնել «Ռուսաստանի և Ուկրաինայի միջև արդար և տևական համաձայնության»։

Իր խոսքը եզրափակելով՝ Փեզեշքիանը հայտարարել է, որ Իրանը երբեք ծնկի չի գա ագրեսորի առջև՝ ևս մեկ անգամ ընդգծելով արտաքին ճնշումներին դիմակայելու Թեհրանի հանձնառությունը։