Իրանը և 5 երկիր ՄԱԳԱՏԷ-ին կոչ են անում դադարեցնել հարձակումները

16 ՍԵՊ 2025 06:45

Իրանն ու էլի 5 երկիր ներկայացրել են միջուկային օբյեկտների վրա հարձակումները արգելող բանաձև։ Այդ մասին ասել է Իրանի ԱԳՆ պաշտոնական ներկայացուցիչ Իսմայիլ Բաղային։

Պաշտոնյայի խոսքով, Իրանը, Չինաստանի, Ռուսաստանի, Վենեսուելայի, Նիկարագուայի և Բելառուսի հետ, ՄԱԳԱՏԷ-ի 69-րդ նստաշրջանում ներկայացրել է միջուկային օբյեկտների վրա հարձակումներն արգելող բանաձևի նախագիծ:

«Ներկայացվել է «Բոլոր տեսակի հարձակումների և հարձակումների սպառնալիքների արգելքը Միջուկային օբյեկտների և ենթակառուցվածքների նկատմամբ, որոնք ընդգրկված են գործակալության համապարփակ երաշխիքների համաձայնագրում" բանաձևի նախագիծ», - նշել է նա:

Փաստաթղթում ասվում է, որ բոլոր երկրները կարող են զարգացնել միջուկային էներգետիկան և պետք է զերծ մնան այլ երկրներում գտնվող միջուկային օբյեկտների վրա հարձակումներից:

Թեգեր

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել