Իրանի Անվտանգության խորհուրդը հավանություն է տվել ՄԱԳԱՏԷ-ի հետ համաձայնագրին

Իրանի Անվտանգության խորհուրդը հավանություն է տվել ՄԱԳԱՏԷ-ի հետ համագործակցության մասին նոր համաձայնագրին: Այդ մասին հայտնում են իրանական աղբյուրները: Իսլամական Հանրապետության ԱԳՆ Աբբաս Արաղչին իր հերթին նշել է, որ նոր օրենքը հստակեցրել է գործակալության հետ համագործակցության շրջանակները, սակայն ամբողջությամբ չի արգելափակել փոխգործակցության ուղիները:

«Համաձայնագրի կետերի տեքստը քննարկվել է Անվտանգության խորհրդի միջուկային հանձնաժողովի կողմից, և ստորագրված ամեն ինչ, ըստ էության, հավանության է արժանացել այդ հանձնաժողովի կողմից», - մեջբերում է հայտարարության հատվածը NourNews գործակալությունը: Փաստաթղթում նշվում է, որ հանձնաժողովը լիազորված է եղել գործել և որոշումներ կայացնել Անվտանգության խորհրդի անունից այս հարցում:

Հիշեցնենք, որ հունիսի 25-ին Իրանի խորհրդարանի պատգամավորները հավանություն են տվել Իսլամական Հանրապետության և ՄԱԳԱՏԷ-ի միջև համագործակցությունը դադարեցնելու մասին օրինագծի տեքստին: Հուլիսի 2-ին Իրանի նախագահ Մասուդ Փեզեշքիանը ստորագրել է օրենքը: Իրանի արտաքին գործերի նախարար Աբբաս Արաղչին իր հերթին նշել է, որ նոր օրենքը հստակեցրել է ՄԱԳԱՏԷ-ի հետ համագործակցության շրջանակները, սակայն ամբողջությամբ չի արգելափակել փոխգործակցության ուղիները և այդ հարցի լուծումը թողել է Իրանի Ազգային անվտանգության բարձրագույն խորհրդի հայեցողությանը:

Սեպտեմբերի 9-ին Իրանը և ՄԱԳԱՏԷ-ն Եգիպտոսում ստորագրել են համագործակցությունը վերսկսելու մասին համաձայնագիր, որը դադարեցվել էր Իսրայելի և ԱՄՆ-ի կողմից հունիսին իրականացված հարձակումներից հետո, քանի որ ՄԱԳԱՏԷ-ի կողմից միջուկային օբյեկտների վրա հարվածներ հասցրած երկրների դեմ դատապարտման բացակայությունը քննադատություն էր առաջացրել Իրանում:

Ինչպես պարզաբանել է Իրանի արտաքին գործերի նախարարը փաստաթուղթը ստորագրելուց հետո, Թեհրանի և գործակալության միջև համագործակցության նոր կանոնակարգը լիովին համապատասխանում է երկու կողմերի պահանջներին: Սակայն նա ավելացրել է, որ Իսլամական Հանրապետության դեմ որևէ թշնամական գործողությունների վերսկսման դեպքում ՄԱԳԱՏԷ-ի հետ բոլոր կապերը կդադարեցվեն: