Իրանի նախագահը խոստովանել է, որ Իրանն անվտանգության խնդիրներ ունի

Իսրայելի կողմից Իրանին նոր հարվածներ հասցնելու պատրաստությունների մասին տեղեկությունների ֆոնին՝ Իրանի նախագահ Մասուդ Փեզեշքիանը խոստովանել է, որ լուրջ խնդիրներ կան:

Օրերս կառավարության նիստում ելույթ ունենալով՝ նա հայտարարել է. «Պարզվել է, որ մենք խնդիրներ ունենք անվտանգության ոլորտում»:

Իրանցի լրագրող Սիյամակ Թադայոն Թահմասեբիի՝ Լոնդոնում աշխատող իրանալեզու հարթակում հրապարակած տեղեկությունների համաձայն՝ Ազգային անվտանգության խորհրդի կողմից նահանգապետերին ուղարկված «խիստ գաղտնի» փաստաթղթում կան կոնկրետ նախազգուշացումներ Իսրայելի կողմից հնարավոր օդային հարվածների մասին: