Իրանն Ավստրալիայի մեղադրանքները որակել է անհիմն, խոստացել է պատասխանել

Թեհրանը սպառնում է պատասխան միջոցներ ձեռնարկել Ավստրալիայից Իրանի դեսպանի արտաքսումից հետո։ Իրանի ԱԳՆ խոսնակ Էսմայիլ Բաղային հայտարարել է, որ Իսլամական Հանրապետությունը քննարկում է միջոցներ՝ ի պատասխան Ավստրալիայի կառավարության՝ իրանցի դիվանագետներին երկրից վտարելու որոշման:

«Ակնհայտ է, որ այս որոշումն ավելի շատ կապված է ոչ թե Իրանի հետ հարաբերությունների, այլ Ավստրալիայի ներքին իրադարձությունների հետ։ Մեղադրանքները լիովին անհիմն են: Դիվանագիտական մակարդակով ցանկացած անտեղի և անհիմն գործողության պատասխանենք փոխադարձ», - հայտարարել է Բաղային:

Բաղային Իրանի կառավարությանը Ավստրալիայում հակասեմական հարձակումներին մասնակցելու մեջ մեղադրելու փաստը որակել է «բացարձակապես անհիմն»: Նրա խոսքով՝ Իրանի մշակույթում, պատմության մեջ և կրոնում «տեղ չկա հակասեմիտիզմի նման հասկացությունների համար, սա արևմտյան և եվրոպական երևույթ է»:

Հիշեցնենք, որ Ավստրալիան Իրանի դեսպան Ահմադ Սադեղիին հայտարարել է «պերսոնա նոն գրատա» և նրան ու երեք այլ պաշտոնյաների հրահանգել է լքել երկիրը յոթ օրվա ընթացքում։ Բացի այդ, Ավստրալիան հետ է կանչել իր դեսպանին Իրանից և կասեցրել է դեսպանատան գործունեությունը Թեհրանում։