Իրանի խորհրդարանը հայտարարել է, որ դեմ է Զանգեզուրի միջանցքին

Իրանի Խորհրդարանը հայտարարություն է ընդունել, որի մեջ հանգամանալի անրադարձ կա նաև Հարավային Կովկասի հետ իր կապերին և այդ ճանապարհին Թեհրանի համար խոչընդոտներ ստեղծելու անթույլատրելիությանը։

Իրանի Խորհրդարանի ընդունած հայտարարությունում նշվում է, որ ճանաչված սահմանները փոխելու, պարտադրված միջանցքներ ստեղծելու կամ «Զանգեզուրի միջանցքի» նման նախագծեր իրականացնելու ցանկացած գործողություն անհամատեղելի կլինի տարածաշրջանի երկրների շահերի հետ և կդառնա կոլեկտիվ անվտանգությանն ուղիղ սպառնալիք։

«Իսլամական Խորհրդարանական ժողովն ընդգծել է Հարավային Կովկասի ռազմավարական դիրքը երկրի համար, նաև համարել է Իրանի անվտանգության շրջագծի, ռազմավարական խորության և քաղաքակրթական ոլորտի մասը։

Իրանը իրավունք է վերապահում օգտագործել բոլոր քաղաքական, իրավական և օրինական միջոցները՝ վճռականորեն պաշտպանվելու համար Իրանի վրա հարձակման դեպքում։ Հարավային Կովկասը կենսական նշանակություն ունի ոչ միայն անվտանգային առումով, այլև որպես կարևոր էներգետիկ, տարանցիկ և տնտեսական ուղի Իրանի և ամբողջ տարածաշրջանի համար։

Անընդունելի է ցանկացած տնտեսական և տարանցիկ նախագիծ, որն ուղղված է Իրանի աշխարհատնտեսական դիրքի թուլացմանը։ Մենք կոչ ենք անում տարածաշրջանի բոլոր երկրներին պահպանել բարիդրացիության սկզբունքը, խուսափել լարվածություն ստեղծող գործողություններից և ընդլայնել տարածաշրջանային համագործակցությունը առանց օտարերկրյա պետությունների ներկայության»,-ասված է Իրանի խոհրդարանի հայտարարությունում։