Արաղչին դատապարտել է Եվրոպայի քայլը, Կալասը կոչ է արել երկխոսության

Օգոստոսի 29-ի երեկոյան ԵՄ արտաքին քաղաքականության պատասխանատու և ՀԳՀԾ-ի համակարգող հանձնաժողովի անդամ Կայա Կալասը հեռախոսազրույց է ունեցել Իրանի արտգործնախարար Սեյյեդ Աբբաս Արաղչիի հետ:

Զրույցի ընթացքում Արաղչին դատապարտել է եվրոպական երեք երկրների անօրինական և անհիմն գործողությունը՝ ընդգծելով, որ այդ քայլը մեծացնում է կասկածները նրանց իրական մտադրությունների վերաբերյալ Իրանի նկատմամբ և ավելի է բարդացնում դիվանագիտական ուղու հետապնդումը:

Իրանի արտգործնախարարը շեշտել է, որ ԻԻՀ-ն միջոցներ կձեռնարկի՝ ի պատասխան եվրոպական երեք երկրների սադրիչ և անպատշաճ գործողության:

Զրույցի ընթացքում Կայա Կալասը կրկին ընդգծել է դիվանագիտական լուծում գտնելու անհրաժեշտությունը և հայտնել իր պատրաստակամությունը՝ նպաստելու դիվանագիտության և երկխոսության խթանմանը: Նա նաև առաջարկել է շարունակել կապը և խորհրդակցությունները կողմերի միջև այդ նպատակով: