Իրանի շուրջ իրավիճակը սրվում է. Snapback-ը գործարկված է

«Snapback» մեխանիզմի ակտիվացումից հետո Իրանի շուրջ իրավիճակը կրկին սրվում է. երկիրը կարող է բախվել խիստ պատժամիջոցների վերականգնմանը, որոնք սահմանվել էին ՄԱԿ-ի Անվտանգության խորհրդի 2006-2010 թվականների վեց բանաձևով:

Սահմանափակումները ներառում են զենքի մատակարարման էմբարգո, ուրանի հարստացման և վերամշակման արգելք, բալիստիկ հրթիռների և տեխնոլոգիաների սահմանափակումներ, ինչպես նաև իրանցի ֆիզիկական և իրավաբանական անձանց ակտիվների սառեցում և միջազգային ուղևորությունների արգելք:

Բացի այդ, երկրները կստանան Իրանի ավիաընկերությունների և ծովային փոխադրումների բեռները ստուգելու իրավունք՝ արգելված ապրանքների առկայությունը պարզելու համար:

Ֆրանսիան, Բրիտանիան և Գերմանիան առաջարկել են սահմանափակ ժամանակով երկարաձգել մեխանիզմի գործողությունը՝ բանակցությունների համար լրացուցիչ ժամանակ ստանալու և նոր համաձայնագիր կնքելու փորձ կատարելու համար: Եթե Իրանը համաձայնի, ՄԱԿ-ի Անվտանգության խորհուրդը ստիպված կլինի ընդունել նոր բանաձև:

Միևնույն ժամանակ, Մոսկվան և Պեկինը Անվտանգության խորհրդին ներկայացրել են բանաձևի նախագիծ, որը մինչև 2026 թվականի ապրիլ երկարաձգում է միջուկային գործարքը, սակայն պարունակում է դրույթներ, որոնք կարող են արգելափակել «եվրոպական եռյակի» կողմից պատժամիջոցների վերականգնումը:

Հիշեցնենք, որ Իրանի միջուկային ծրագրերի շուրջ Թեհրանի և «եվրոպական եռյակի» բանակցությունները փակուղի են մտել, ինչը հանգեցրել է «Snapback» մեխանիզմի ակտիվացման թեմային։ Սակայն, զուգահեռ, Եվրոպայից ուղերձներ են հնչում, որ դիվանագիտական հանգուցալուծման հնարավորություն դեռ տեսնում են։