Իրան-«Եվրոեռյակ» բանակցություններն ավարտվել են առանց արդյունքի․ Axios

Axios-ը հաղորդում է, որ Իրանի միջուկային ծրագրի շուրջ բանակցությունները Ժնևում ավարտվել են առանց արդյունքի: Իրանի և «Եվրոեռյակի» (Ֆրանսիա, Գերմանիա, Մեծ Բրիտանիա) ներկայացուցիչների հանդիպմանը, աղբյուրների տեղեկություններով, Իրանի կողմը չի առաջարկել կոնկրետ քայլեր պահանջների կատարման համար։

Դրանք ներառում են բանակցությունների վերսկսումը ԱՄՆ-ի հետ, ՄԱԿ-ի տեսուչներին մուտքի ապահովումը այն միջուկային օբյեկտներին, որոնք վնասվել են Իսրայելի հարձակումների հետևանքով, և 60% հարստացման աստիճանով ուրանի պաշարները, որոնք մնացել են Իրանում:

Axios-ի համաձայն՝ առանց առաջընթացի՝ էապես բարձրանում է հավանականությունը, որ եվրոպական երկրները կգործարկեն «Snapback» մեխանիզմը, եթե մինչև օգոստոսի 31-ը պահանջները չկատարվեն:

Հիշեցնենք, որ Snapback-ը 2015 թվականի միջուկային գործարքի մի մասն եղած իրավական մեխանիզմ է։ Այն գործարկում է ՄԱԿ-ի Անվտանգության խորհրդի պատժամիջոցները Իրանի դեմ՝ համաձայնագրի խախտման դեպքում: