Իրանը նոր սերնդի հրթիռներ կօգտագործի. Նասիրզադե

21 ՕԳՍ 2025 13:11

Իրանական լրատվամիջոցները հայտնում են, որ օգոստոսի 21-ին Իրանը նախատեսում է սկսել երկօրյա զորավարժություններ՝ կիրառելով կարճ և միջին հեռահարության թևավոր հրթիռներ։

ԻԻՀ ՊՆ Ազիզ Նասիրզադեն հայտարարել է, որ Թեհրանը մշակել է նոր սերնդի հրթիռներ, որոնք ավելի մեծ հնարավորություններ ունեն, քան Իսրայելի հետ վերջին 12-օրյա հակամարտության ժամանակ օգտագործվածները:

Նա հայտնել է, որ դրանք հետագա ռազմական գործողությունների դեպքում անպայման կօգտագործվեն։

Հիշեցնենք, որ հունիսին Իսրայելը հարվածներ էր հասցրել Իրանին՝ թիրախավորելով ռազմական և քաղաքացիական օբյեկտները, սպանելով բարձրաստիճան զինվորականների, միջուկային գիտնականների և քաղաքացիական անձանց։

Թեհրանն, ի պատասխան, հրթիռներով ու անօդաչուներով հարվածներ հասցրեց Իսրայելին և այդ ընթացքում առիթ ունեցավ ներկայացնել որոշ նմուշներ իր զինանոցից։

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել