Չաբահարի երկաթուղին կմիանա Հյուսիս-Հարավ միջանցքին

Իրանի գործադիր փոխնախագահ Մոհամմադ Ջաֆար Քաեմ Փանահը հայտարարել է, որ կառավարությունը մեծ ջանքեր է գործադրում Չաբահարի երկաթուղու նախագիծն ավարտելու և այն երկրի երկաթուղային ցանցին միացնելու ուղղությամբ։

Նրա խոսքով, երկաթուղին շուտով կմիացվի միջազգային միջանցքներին։ Չաբահարում Հյուսիս-Հարավ միջանցք այցելած Քաեմ Փանահը IRNA-ին պատմել է Չաբահարի երկաթուղային նախագծի ռազմավարական նշանակության մասին։

Նա նշել է, որ «այս երթուղին ազգային երկաթուղային ցանցին միացնելը հիմք կդնի միջազգային միջանցքի ստեղծման համար»։

Իրանի գործադիր փոխնախագահը հավելել է, որ այս երթուղով հնարավոր կլինի Չաբահարի նավահանգստից տեղափոխել անհրաժեշտ ապրանքներ երկրի հյուսիս, իսկ այնտեղից՝ Կովկաս, Ռուսաստան և Եվրոպա, ինչը կամրապնդի Իրանի դերը տարածաշրջանային և համաշխարհային առևտրում։