Իրանը ՄԱԿ-ում ահազանգում է ահաբեկիչների տեղափոխման մասին

ՄԱԿ-ում Իրանի մշտական ներկայացուցիչ Իրավանին Անվտանգության խորհրդի նիստում մտահոգություն է հայտնել Սիրիայից Աֆղանստան «ահաբեկչական տարրերի» տեղափոխման մասին հաղորդումների կապակցությամբ:

Նա դա անվանել է ուղղակի սպառնալիք հարևան երկրների և տարածաշրջանային կայունության համար:

Իրավանին նշել է, որ Սիրիայում իրավիճակը մնում է «չափազանց բարդ» և ընդգծել է միակողմանի պատժամիջոցների վերացման անհրաժեշտությունը, որոնք սրում են հումանիտար ճգնաժամը և խոչընդոտում երկրի վերականգնմանը:

Դեսպանը նաև կոչ է արել բոլոր պետություններին խստորեն պահպանել միջազգային իրավունքը ահաբեկչության դեմ պայքարում: