Ալիևը և ԵՄ ներկայացուցիչը քննարկել են հայ-ադրբեջանական խաղաղությունը

28 ՕԳՍ 2025 11:01

Օգոստոսի 28-ին Ադրբեջանի նախագահ Իլհամ Ալիևը ընդունել է Հարավային Կովկասում Եվրոպական միության հատուկ ներկայացուցիչ Մագդալենա Գրոնոյին։

Գրոնոն Ալիևին փոխանցել է ԵՄ ղեկավարության ողջույնները, ինչպես նաև Եվրամիության ղեկավարության և անձամբ իր անունից շնորհավորել է Վաշինգտոնում Հայաստանի հետ հարաբերությունների կարգավորման և խաղաղ օրակարգի վերաբերյալ ձեռք բերված կարևոր արդյունքների կապակցությամբ։ Նա ընդգծել է, որ այս գործընթացը մեծ ներդրում է ունենում տարածաշրջանում կայուն խաղաղության ապահովման գործում։

Հյուրը նշել է, որ Եվրոպական միության երկրները սատարում են Ադրբեջանի և Հայաստանի միջև խաղաղության հաստատմանը։ Բացի այդ, Մագդալենա Գրոնոն հայտարարել է ԵՄ-ի պատրաստակամության մասին՝ աջակցելու երկու երկրների միջև համաձայնեցված հարցերի իրականացմանը, ներառյալ տրանսպորտային միջանցքի ստեղծումը։

Զրույցի ընթացքում տեղի է ունեցել նաև մտքերի փոխանակում Ադրբեջանի և Եվրամիության հարաբերությունների զարգացման հեռանկարների վերաբերյալ։

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել