Հրդեհներ օկուպացված Արցախում. այրվում են Քարվաճառի անտառները

Արդեն երկրորդ օրն է, ինչ Ադրբեջանի կողմից օկուպացված Արցախում հրդեհներ են։ Կրակը տարածվում է Քարվաճառում անտառապատ հատվածներում։

Ադրբեջանական աղբյուրները նշում են, որ, չնայած հրդեհաշիջումը բարդացնում են քամին և տեղանքի բարդ ռելիեֆը, ներկայումս շարունակվում են կրակի դեմ պայքարի միջոցառումները:

Նույն աղբյուրների փոխանցմամբ՝ հրդեհներ են գրանցվել նաև օկուպացված Քաշաթաղի շրջանում։ Կրակը որոշ հատվածներում մոտեցել է Բերձորին։