Հրանտ Մարգարյանի որդին հրազենային վնասվածքով հիվանդանոցում է

Հոկտեմբերի 24-ի երեկոյան՝ ժամը 22:50-ի սահմաններում, ոստիկանությունը տեղեկություն է ստացել, որ Երևանի Փափազյան փողոցի շենքերից մեկի բակում կրակոց է հնչել և կա վիրավոր

​Դեպքի վայրից հրազենային վնասվածքով տղամարդ է տեղափոխվել Առաջին համալսարանական հիվանդանոց։

Ըստ մամուլի հրապարակումների՝ հիվանդանոց տեղափոխվածը ՀՅԴ-ական գործիչ Հրանտ Մարգարյանի որդին է։​Նախնական տեղեկություններով՝ նա ինքնասպանության փորձ է կատարել։

Հաղորդվում է, որ վնասվածքը կոկորդի շրջանում է, և նրա վիճակը գնահատվում է շատ ծանր։ Բժիշկները պայքարում են երիտասարդի կյանքի համար։

​Տեղեկությունների համաձայն՝ զենքը, որով նա, ենթադրաբար, ինքնավնասում է հասցրել, եղել է իր անվամբ՝ որպես պարգև ստացված Արցախի նախկին նախագահներից մեկի կողմից։