Հնդկաստանն ուղեծիր է դուրս բերել իր ամենածանր արբանյակը

Հնդկաստանը հաջողությամբ ուղեծիր է դուրս բերել իր ամենածանր արբանյակը։ LVM3-M5 հրթիռն արձակել է Հնդկաստանի ռազմածովային ուժերի համար նախատեսված GSAT-7R արբանյակը:

Այն ունի նավիգացիոն նշանակություն, բայց կարճ ժամանակում կարող է վերապրոֆիլավորվել ու ծառայել նաև ռազմական նպատակների։ 4.4 տոննա քաշ ունեցող արբանյակը կապահովի անվտանգ կապ նավերի, սուզանավերի և Հնդկական օվկիանոսում գտնվող հրամանատարական կետերի միջև։ Այն Հնդկաստանից երբևէ արձակված ամենածանր արբանյակն է։