Հնդկաստանը նվազեցնում է ռուսական նավթի ներկրումը

Հնդկաստանն ավելացրել է նավթի գնումները ԱՄՆ-ից, Կանադայից և ԱՄԷ-ից՝ Թրամփի սպառնալիքներից հետո: Այս մասին Reuters-ը գրում է՝ հղում անելով շուկայում մի քանի աղբյուրների:

Մասնավորապես, Հնդկաստանի խոշորագույն նավթավերամշակող ընկերությունը՝ Indian Oil Corp-ը, գնել է յոթ միլիոն բարել հում նավթ ԱՄՆ-ից, Կանադայից և Արաբական Միացյալ Էմիրություններից՝ սեպտեմբերին մատակարարումներով:

Հնդկաստանի կողմից այս երեք երկրներից նավթի գնումների ծավալները սովորականից մեծ են եղել: Փորձագետների կարծիքով՝ նման փոփոխությունները կապված են հնդկական ընկերությունների ձգտման հետ՝ փոխարինելու ռուսական նավթամթերքները: