Ովքե՞ր են «Հյուսիսային հոսք»-ը պայթեցնողները․ կասկածյալներից մեկն է ձերբակալված

Գերմանիան ավարտել է «Հյուսիսային հոսք» գազատարների պայթյունների հետաքննությունը։ Ըստ Die Zeit-ի, բոլոր յոթ կասկածյալները Ուկրաինայի քաղաքացիներ են։ Նրանց թվում եղել են ջրասուզակներ, պայթյուն իրականացնող և նավապետ։

Դիվերսիայի համար օգտագործվել է «Անդրոմեդա» զբոսանավը, որտեղ հայտնաբերվել են ԴՆԹ, մատնահետքեր և պայթուցիկ նյութերի հետքեր, որոնք համընկնում են խողովակների վրա հայտնաբերված նմուշների հետ։

Կասկածյալներից մեկն արդեն ձերբակալվել է Իտալիայում, մյուսները հետախուզման մեջ են։ Խումբը Գերմանիա է մուտք գործել Լեհաստանի միջոցով՝ օգտագործելով իրական ուկրաինական անձնագրեր, սակայն կեղծ անուններով։ Բեռլինում առայժմ տեղի ունեցածը որակում են «վանդալիզմի ակտ»։