Հայաստանում աճել են ընտանեկան բռնության դեպքերը․ ՆԳՆ

«Ընտանեկան բռնության դեպքերի 2117 հաղորդում է արձանագրվել։ Այս մասով 2024 թվականին 1675 հաղորդում է եղել»,- ԱԺ–ում ասաց ՆԳ նախարար Արփինե Սարգսյանը։

9 ամսում նախորդ տարվա համեմատ ընտանեկան բռնության դեպքերը 442-ով ավելացել են։ Նախազգուշացում է տրվել 499 դեպքով, այս պարագայում նույնպես աճ է գրանցվել։ Անհետաձգելի միջամտության որոշում է կայացվել 1405 դեպք, իսկ նախորդ տարի դրանք 907-ն են եղել։ Բռնարարների նկատմամբ 1619 հաշվառման քարտ է կազմվել, նախորդ տարի 1128 հաշվառման քարտ է եղել։