Քանի երեխա կա Հայաստանի մանկատներում․ որդեգրման ինչ դինամիկա կա

Հայաստանում այս պահի դրությամբ մանկատներում է գտնվում 366 անչափահաս, նրանց գերակշիռ մասն ունի հաշմանդամություն։

Մանրամասները ԱԺ ամբիոնից հայտնել է ՀՀ աշխատանքի և սոցիալական հարցերի նախարարի տեղակալի ժամանակավոր պաշտոնակատար Տաթևիկ Ստեփանյանը՝ նշելով, որ նրանց գերակշռող մասը ծանր և բազմակի հաշմանդամություն ունեցող երեխաներ են»:

Որդեգրումների դինամիկան գրեթե անփոփոխ է:

«Միջինում որդեգրվում է 25 երեխա: Միջազգային որդեգրումները 1 կամ 2-ն են լինում»,-հայտնել է Ստեփանյանը, հավելելով, որ միջազգային որդեգրման գնում են հիմնականում այն երեխաները, որոնք ունեն որոշակի առողջական խնդիրներ: