Հայաստանի ազգային հավաքականը նոր գլխավոր մարզիչ ունի

Ջոն վան’ տ Սխիպն այլևս չի գլխավորի Հայաստանի ազգային հավաքականը, հայտնում են Հայաստանի ֆուտբոլի ֆեդերացիայից։ 61-ամյա հոլանդացի մարզիչն այդ պաշտոնին էր նշանակվել 2025թ. փետրվարին:

Նույն աղբյուրից փոխանցում են, որ Հայաստանի ազգային հավաքականի գլխավոր մարզիչ է դարձել Եղիշե Մելիքյանը։ 46-ամյա մասնագետի թեկնածությունն օգոստոսի 6-ին է արժանացել ՀՖՖ գործադիր կոմիտեի անդամների հավանությանը:

Խոսելով իր նշանակման մասին՝ Եղիշե Մելիքյանն ասել է. «Գիտակցում եմ պահի բարդությունն ու ողջ պատասխանատվությունը, բայց պատրաստ եմ պատվով անցնել այս ճանապարհը»: Մելիքյանի հետ պայմանագիրը կգործի մինչև 2026թ. նոյեմբեր: