Հայաստանը չճանաչելուց մինչև դիվանագիտական հարաբերությունների հաստատում

Շանհայի համագործակցության կազմակերպության գագաթնաժողովում Հայաստանն ու Պակիստանը ստորագրեցին դիվանագիտական հարաբերություններ հաստատելու մասին համատեղ կոմյունիկե՝ հեռախոսային քննարկումից ընդամենը երկու օր հետո։

Երկու երկրների արտգործնախարարները վերահաստատեցին ՄԱԿ-ի կանոնադրության սկզբունքներին հավատարմությունը և պայմանավորվեցին զարգացնել փոխշահավետ համագործակցություն տնտեսության, կրթության, մշակույթի և զբոսաշրջության ոլորտներում։

Պակիստանը չէր ճանաչել Հայաստանի անկախությունը՝ Ղարաբաղյան հակամարտության պատճառով։ Երկու երկրները պարտավորվեցին սերտորեն համագործակցել միջազգային հարթակներում՝ նպաստելու խաղաղության և բարգավաճման։