ՀՀ-ի և Ադրբեջանի ներկայացուցիչները կարող են հանդիպել Անթալիայում. Չավուշօղլու

Հայաստանի և Ադրբեջանի ներկայացուցիչները կարող են հանդիպել Անթալիայի դիվանագիտական ֆորումի շրջանակներում։ Այս մասին թուրքական լրատվամիջոցներին հայտնել է ՆԱՏՕ-ի Խորհրդարանական վեհաժողովում Թուրքիայի ներկայացուցիչ Մևլութ Չավուշօղլուն։

Նրա խոսքով՝ Թուրքիայի արտաքին գործերի նախարարությունը ներկայումս խորհրդակցություններ է անցկացնում հայկական և ադրբեջանական կողմերի հետ՝ նման հանդիպում կազմակերպելու հնարավորությունը քննարկելու համար։ Անկարան փորձում է հասկանալ կողմերի դիրքորոշումները և նպաստել հնարավոր բանակցություններին։

Եթե կողմերի միջև համաձայնություն ձեռք բերվի, հանդիպումը կարող է կայանալ Անթալիայի V դիվանագիտական ֆորումի ընթացքում, որը նախատեսվում է անցկացնել 2026 թվականի ապրիլի 17-19-ը։ Այս հարթակը կարող է հնարավորություն ստեղծել երկու երկրների պաշտոնյաների միջև ուղիղ երկխոսության համար։