Թբիլիսիում մեկնարկել է հայ-վրացական իրավական 6-րդ ֆորումը

Վրաստանի մայրաքաղաք Թբիլիսիում մեկնարկել է Հայաստանի և Վրաստանի միջև իրավական վեցերորդ ֆորումը։ Ֆորումին մասնակցում է նաև Հայաստանի արդարադատության նախարար Սրբուհի Գալյանը։ ՀՀ արդարադատության նախարարը ֆորումի շրջանակներում հանդիպել է Վրաստանի արդարադատության նախարար Պաատա Սալիայի հետ։

Ինչպես հայտնում են ՀՀ արդարադատության նախարարությունից, ֆորումի ընթացքում անդրադարձ է կատարվելու մարդու իրավունքների պաշտպանության, արդարադատության ոլորտի թվայնացման թեմաներին, քրեակատարողական և պրոբացիայի ոլորտներին: