Հայ շախմատիստները շարունակում են հաղթարշավը

Գրոսմայստերներ Հայկ Մարտիրոսյանը և Գաբրիել Սարգսյանը դուրս են եկել 2025 թվականի ՖԻԴԵ-ի շախմատի աշխարհի գավաթի երկրորդ փուլ:

Գաբրիել Սարգսյանը 1.5:0.5 հաշվով առավելության է հասել Շրի Լանկան ներկայացնող միջազգային վարպետ Ռանինդու Դիլշան Լիանագեի նկատմամբ:

Հայկ Մարտիրոսյանը 1.5:0.5 հաշվով առավելության է հասել Ինդոնեզիան ներկայացնող ՖԻԴԵ-ի վարպետ Սատրիա Դուտա Չահայայի նկատմամբ:

Գրոսմայստեր Կարեն Գրիգորյանը 1:1 հաշվով է ավարտել հանդիպումը Եգիպտոսը ներկայացնող գրոսմայստեր Ահմեդ Ադլիի հետ։ Հաղթողը կորոշվի արագ շախմատի թայ-բրեյքում:

Գրոսմայստեր Ռոբերտ Հովհաննիսյանը 1:1 հաշվով է ավարտել Մալայզիան ներկայացնող ՖԻԴԵ-ի վարպետ Մոհան Հավինի հետ մրցամարտը։ Այս դեպքում ևս հաղթողը կորոշվի թայ-բրեյքում: