Հարկային կայքում Մակրոնի կինը գրանցված է տղամարդու անունով

Մակրոնի կնոջը՝ Բրիջիթ Մակրոնին, հարկային կայքում գրանցել են տղամարդու անունով՝ որպես Ժան Միշել, հաղորդվում է BFMTV հեռուստաալիքի նկարահանած վավերագրական ֆիլմում։

Ֆիլմի անոնսում հրապարակվել է մի հատված, որտեղ առաջին տիկնոջ աշխատակազմի ղեկավարը պատմել է անցյալ տարվա սեպտեմբերին հարկային տվյալների ստուգման ժամանակ տեղի ունեցած միջադեպի մասին: Բաժնում, որտեղ պետք է նշվեր Բրիջիթ Մակրոնի անունը, նրա փոխարեն տղամարդու անուն էր հայտնվել։

BFMTV հեռուստաալիքի ֆիլմում պարզաբանել են, որ սխալն առաջացել է ոչ թե տեխնիկական պատճառով, այլ արտաքին միջամտության արդյունքում։ Դեռ ավելին։ Հետաքննության ընթացքում հաջողվել է բացահայտել տվյալների նենգափոխման մեջ ներգրավված երկու հնարավոր անձանց։