Վախենում էին՝ Զելենսկու օրը կընկնեմ․ Հարավային Կորեայի նախագահը՝ Սպիտակ տանը

«Նախքան այսօր նախագահ Թրամփի հետ հանդիպելը, նա Truth Social կայքում շատ սպառնալի գրառում էր հրապարակել», - ծիծաղելով հայտարարել է Հարավային Կորեայի նախագահ Լի Չժե Մյոնը: «Իմ աշխատակիցները մտահոգված էին, որ մենք կարող ենք հայտնվել Զելենսկու իրավիճակում: Բայց ես արդեն գիտեի, որ նման իրավիճակի չեմ բախվի, քանի որ ես կարդացել եմ նախագահ Թրամփի «Գործարք կնքելու արվեստը» գիրքը», - նշել է Լին:

Տեղեկացնենք, որ Հարավային Կորեայի նախագահի հետ հանդիպումից առաջ Թրամփը Truth Social-ի իր էջում գրել էր․ «Ի՞նչ է կատարվում Հարավային Կորեայում: Կարծես մաքրագործում կամ հեղափոխություն լինի: Մենք չենք կարող այնտեղ բիզնես անել նման պայմաններում: Ես այսօր Սպիտակ տանը հանդիպում եմ նոր նախագահի հետ»: