Գյումրիի քաղաքապետարանի մոտից 23 քաղաքացի է ձերբակալվել

20 ՀՈԿ 2025 13:15

Գյումրիի քաղաքապետարանի մոտից ձերբակալվել և Համայնքային ոստիկանության տարածքային ստորաբաժանումներ են տեղափոխվել 23 անձ։ Այս մասին լրատվամիջոցներին ասել են ՆԳՆ-ից:

Հիշեցնենք, որ այսօր իրավապահները քննչական գործողություններ են իրականացրել Գյումրիի քաղաքապետարանում, ինչին հաջորդել է Վարդան Ղուկասյանի ձերբակալությունը։

Քրեական վարույթով ձերբակալված է ութ անձ, այդ թվում՝ Ղուկասյանը, քաղաքի գլխավոր ճարտարապետ Հենրիկ Գասպարյանը։

Իրավիճակը Գյումրիում այսօր խիստ լարված էր, քաղաքացիները հավաքվել էին Գյումրիի քաղաքապետարանի մոտ՝ ի պաշտպանություն Ղուկասյանի։ Հավաքվածների դժգոհության և ուժայինների հետ հրմշտոցի հիմնական պատճառը Վարդան Ղուկասյանի ձերբակալման փաստն էր։ Նրան համայնքապետարանի շենքի հետնամուտքով են դուրս բերել իրավապահները և արագ հեռացրել։

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել