Գրքի երևանյան փառատոն․ գրողների Նոր տարին Հանրապետության հրապարակում

Սեպտեմբերի 5-7-ը Հանրապետության հրապարակը վերածվել է գրականության իսկական տոնի․ Հայաստանի պատմության թանգարանում և Ազգային պատկերասրահում անցկացվում է Գրքի երևանյան միջազգային փառատոնը։ Ավելի քան 250 գրող, հարյուրավոր ընթերցողներ, շնորհանդեսներ, հանդիպումներ ու զեղչերով գրքեր՝ երեք օր շարունակ։ Փառատոնը միավորում է գրողների, հրատարակիչների և ընթերցողների՝ ստեղծելով նոր կապեր ու բացահայտելով նոր գրական պատմություններ։