Կառավարությունը հաստատել է Արցախցիների բնակարանային ծրագիրը

Կառավարության օգոստոսի 28-ի նիստի օրակարգում 53 հարց է, որից չի զեկուցվում 50-ը: Օրակարգում է նաև Արցախից բռնի տեղահանված առանձին ընտանիքների բնակարանային ապահովման պետական աջակցության ծրագրի շահառուների ցանկը հաստատելու և աջակցության տրամադրման ընթացակարգը սահմանելու մասին հարցը։

Նիստում պետական գույքն օտարելու մասին որոշում է կայացվել։ 367 մլն դրամ կադաստրային արժեքով Երեւանում գտնվող շինությունը կօտարվի դասական աճուրդով, գույքի շուկայական արժեքը գնահատվել է 425 միլիոն դրամ։

Դա կլինի մեկնարկային գինը։ Գործադիրը գերակա ոլորտում իրականացվող ներդրումային ծրագրով ներմուծման մաքսատուրքից ազատել է «ԱԼԵՔՍ ՖԱԲՐԻԿԱ» ընկերությանը, որը ներմուծվող հումքն օգտագործելու է հագուստի արտադրության համար։ Նախատեսվում է իրականացնել 337 մլն դրամի ներդրում հումքի ձեռքբերման նպատակով։